Paoli (En corse) · 2

Résumé

Natu à Merusaglia da un babbu rivuluziunariu (Ghjacintu), u giovanu Pasquale Paoli hà da fughje à Napuli par cumincià una furmazione militare in lu rigimentu Corsica. U zitillone, divintatu omu, hè chjamatu in Corsica quindeci anni dopu, à trent’anni, ed hè elettu Capiginerale di a Nazione Corsa in Casabianca (1755). Ma u ritornu ind’ì l’isula di a so zitillina ùn hè senza cunsiguenze : u guvernu fundatu da u giovanu capistatu hè mal’ vistu da i Ghjinuvesi, ch’accupanu sempre i porti principali di l’isula, è chì pratendenu d’avè sempre i dritti annant’à a Corsica. Pasquale Paoli face di Corti a capitale è prumette à i Corsi di libarà a patria da a duminazione ghjinuvese. Aiutatu da so fratellu Climente è da u so amicu Ghjacumu, prima Pasquale Paoli dove scaccià i Corsi apposti à u so guvernu. È cusì, durante l’accampu di u cunventu di u Boziu, Matra vene à more, tombu da Climente è i partigiani paulisti. Oramai l’auturità di Pasquale Paoli ùn face cà cresce ind’ì l’isula. U giovanu capistatu, ch’ammira l’Auropa di l’Alluminisimu è ch’hè innuvadore anch’ellu, pò rializà tutti i so prugetti : caccià i Ghjinuvesi da l’isula di Corsica è fà ricunnosce à e nazione maiò d’Auropa l’esistenza ufficiale di u so guvernu. source: éditeur